عمران خان کےسابق سکیورٹی افسر کا نام پاسپورٹ کنٹرول لسٹ سےنکالنےکا حکم
اسلام آباد ہائیکورٹ نےعمران خان کےسابق سکیورٹی افسر کا نام پاسپورٹ کنٹرول لسٹ سےنکالنےکا حکم دے دیا۔
اسلام آباد ہائیکورٹ کےجج جسٹس محمد آصف نے بانی پی ٹی آئی عمران خان کےسابق سکیورٹی افسرکا نام پاسپورٹ کنٹرول لسٹ سےنکالنےکی درخواست پر سماعت کی جس دوران متعلقہ حکام عدالت میں پیش ہوئے۔
سماعت کےدوران عدالت نےکہا کہ ایف آئی اے رپورٹ کے مطابق پٹیشنرکا نام پی سی ایل،ای سی ایل میں ایکٹو ہے، متعدد ایف آئی آرزکی وجہ سے 24 اگست 2023کو نام سفری پابندیوں کی لسٹ میں شامل کرنے کی سفارش کی گئی۔
سپریم کورٹ : جسٹس امین الدین کی سربراہی میں سویلینز کے ملٹری ٹرائل سے متعلق انٹرا کورٹ اپیلوں پر سماعت
عدالت نےکہاکہ انسداد دہشتگردی عدالت 18 اپریل 2024 کودرخواست گزار کی ضمانت منظورکرچکی ہے۔
جسٹس محمد آصف نے ریمارکس دیےکہ وفاقی حکومت کی منظوری سےسفری پابندیوں کی فہرست میں نام شامل کیاگیا،نام شامل کرکے آئین میں درج بنیادی حقوق کی خلاف ورزی کی گئی۔
سماعت کے بعد اسلام آباد ہائیکورٹ نےعمرسلطان کا نام پی سی ایل میں شامل کرنا بلاجواز اور غیر قانونی قرار دیتے ہوئے فریقین کوبانی پی ٹی آئی کے سابق سیکورٹی افسرکا نام پاسپورٹ کنٹرول لسٹ سے نکالنے کا حکم دیا۔
