فلسطینی ایتھلیٹ کا پیرس میں شاندار استقبال

فلسطینی دستے کا اولمپکس میں شرکت کیلئے پیرس پہنچنے پر شاندار استقبال کیاگیا۔پھول بھی نچھاور ہوئے۔

تفصیلات کے مطابق اولمپکس میں شرکت کے لیے فلسطین کے 8 ایتھلیٹس پر مشتمل دستہ پیرس پہنچا تو ائیرپورٹ کے اندر اور باہر درجنوں افراد نے ایتھلیٹس کا استقبال کیا اور فلسطین کی آزادی کے حق میں نعرے لگائے گئے۔

شاہین آفریدی کا 100وکٹوں کاریکارڈ ٹوٹ گیا

فلسطینی فٹبال ایسوسی ایشن کے سربراہ جبریل رجب نے غیر ملکی خبررساں ایجنسی سے بات کرتے ہوئے کہا کہ اگر فرانس واقعی فلسطینیوں کے حق خود ارادیت کی قدر کرتا ہے تو اولمپکس گیمز فلسطینی ریاست کو تسلیم کرنے کا ایک اچھا موقع مل رہا ہے۔

 حکام نے بتایا کہ کہ غزہ میں 7 اکتوبر سے جاری اسرائیلی جارحیت کے نتیجے میں اب تک 300 سے زائد فلسطینی ایتھلیٹس، ریفریز اور اسپورٹس آفیشلز شہیدہوچکے ہیں جبکہ غزہ میں کھیلوں کی تمام سہولیات بھی تباہ ہوچکیں۔