پارلیمان آئین و جمہوری اقدار کی نگہبان ہوتی ہے : صدر مملکت

صدر مملکت آصف علی زرداری کا عالمی یوم پارلیمان پر اپنے خصوصی پیغام میں کہنا تھا کہ آج ہم جمہوریت، آزادی رواداری اور سماجی و معاشی انصاف کے اصولوں پر کاربند رہنے کے عزم کی تجدید کرتے ہیں، پارلیمان آئین و جمہوری اقدار کی نگہبان ہوتی ہے۔

عالمی یوم پارلیمان کے موقع پر صدر آصف علی زرداری کہا کہ پارلیمان عوام کے بنیادی حقوق اور آزادی کے تحفظ کی ضامن اور آئین و جمہوری اقدار کی نگہبان ہوتی ہے۔

صدر پاکستان کا کہنا تھاکہ آج ہم جمہوریت، آزادی، رواداری اور سماجی و معاشی انصاف کے اصولوں پر کاربند رہنے کے عزم کی تجدید کرتےہیں، پارلیمان عوام کی خودمختار نمائندہ اور آئین و جمہوری اقدار کی نگہبان ہوتی ہے۔

صدر مملکت نے کہا کہ پارلیمان قومی پالیسی سازی، شفافیت اور جوابدہی کے فروغ میں کلیدی کردار ادا کرتی ہے،مؤثر قانون سازی اور نگرانی کےذریعے پارلیمان عوامی خدمات کی بہتری میں اہم کردار ادا کررہی ہے۔

انہوں نے کہا کہ پارلیمان اچھی طرز حکمرانی کو فروغ دینےاور جمہوری اداروں کو مستحکم بنانےمیں معاون ہے۔

صدر آصف علی زرداری نے مزید کہا کہ میں پارلیمان کی اُن کاوشوں کو سراہتا ہوں جو شفاف، جامع اور عوامی شراکت پر مبنی نظام حکمرانی کے قیام کےلیے کوشاں ہیں۔

صدر نے کہا کہ قانون ساز اداروں کی ذمہ داری ہے کہ وہ جمہوری اقدار کا دفاع کریں اور قومی ترقی کے سفر کو آگے بڑھائیں، پارلیمانِ پاکستان عوام کی فلاح، حقوق کے تحفظ اور احتساب کے نظام کو مؤثر بنانے کےلیے قانون سازی اور نگرانی کا عمل جاری رکھےگی۔

عالمی یوم پارلیمان: وزیراعظم کا جمہوریت، شفافیت اور نمائندگی کے فروغ کے عزم کا اعادہ

صدر مملکت نے کہاکہ آئیں ایسا پاکستان تعمیر کریں جہاں جمہوریت پروان چڑھے،ادارے مضبوط ہوں اور ہر شہری کی آواز سے سنی جائے۔