باتوں اور لشکر کشی سے عوام کا پیٹ نہیں بھرتا، عطاتارڑ کے پی حکومت پر برس پڑے
وزیرِ اطلاعات عطا تارڑ کا کہنا ہےکہ خیبرپختونخوا(کے پی) میں امن و امان سےمتعلق پی ٹی آئی نےکچھ نہیں کیا، جس وقت کرم کو سب سےزیادہ توجہ کی ضرورت تھی اُس وقت کےپی حکومت کیا کر رہی تھی؟
اپنےایک بیان میں وزیرِ اطلاعات عطا تارڑ نے پی ٹی آئی پر تنقید کرتےہوئےکہا کہ طالبان سے پی ٹی آئی کی دوستی تھی تو ٹھیک ہےمگر پھراس دوستی کا سدِباب بھی تو کرتے۔
انھوں نےکہاکہ خیبرپختونخوا میں امن و امان سے متعلق پی ٹی آئی نے کچھ نہیں کیا، جس وقت ضلع کرم کو سب سے زیادہ توجہ کی ضرورت تھی اُس وقت کے پی حکومت کیا کر رہی تھی؟
شیخ وقاص نے خواجہ آصف اور بلاول بھٹو کو سیاسی مداری قرار دے دیا
وزیرِاطلاعات عطا تارڑ نے کہا کہ صوبوں میں امن و امان برقراررکھنا پولیس کا کام ہےیا کسی اور کا؟ آپ نے پنجاب کی طرح سی ٹی ڈی کو آرمی سے تربیت کیوں نہیں دلوائی؟
عطا تارڑ نےکہا کہ خیبر پختونخوا میں عوامی مسائل حل کرنے پر کسی کی توجہ نہیں،باتیں اور لشکر کشی کرنے سے عوام کا پیٹ نہیں بھرتا، پنجاب کوبھی اتنے فنڈز دیے جاتے ہیں جتنے دوسرےصوبوں کو،پختونخوا میں 152 ارب روپے کا خسارہ ہوا۔
واضح رہےکرم میں امن و امان کے قیام کے لیے حکومت اور گرینڈ امن جرگے کےفریقین کےدرمیان تاحال معاملات طے نہیں پا سکے ہیں، ایک فریق نےمعاہدے پر دستخط کے لیے منگل تک کا وقت مانگا ہے۔
