پشاور: عمرہ زائرین کیلئے سول سرجن آفس میں ویکسی نیشن سینٹر فعال

پشاور میں عمرہ زائرین کے لیے سول سرجن آفس میں ویکسی نیشن سینٹر فعال کردیا گیا۔

فوکل پرسن غلام مرتضیٰ شاہ کے مطابق پشاور کے عمرہ زائرین پر 15 اکتوبر سے ویکسی نیشن لازمی ہوگی اور عمرہ زائرین 14 اکتوبر تک ویکسی نیشن کے بغیر سفر کرسکتے ہیں۔

غلام مرتضی شاہ نے بتایا کہ پشاور ویکسی نیشن سینٹر میں خواتین اور مردوں کے 20 کاؤنٹر بنادیے گئے ہیں، ویکسی نیشن سینٹر میں نادرا کے 2 سہولت سینٹر بھی قائم کیے جا رہے ہیں۔

انہوں نے کہا کہ پشاورکے شہری سفر سے کم از کم 10 دن قبل ویکسی نیشن کرالیں۔