ہر شعبے کی ترقی میں مسلم لیگ ن کا کردار ہے : نواز شریف

مسلم لیگ ن کے صدر محمد نواز شریف کا کہنا ہے کہ ملک کی تعمیر میں جو کردار مسلم لیگ ن کا ہے وہ شاید کسی اور پارٹی کا نہ ہو۔ ان کی جماعت ملک کی تعمیر کر رہی ہے۔

سابق وزیر اعظم نواز شریف نے لندن پہنچنے کےبعد میڈیا سے گفتگو کرتےہوئے کہا کہ مسلم لیگ ن نے پاکستان کو میزائل ٹیکنالوجی دی، ہر شعبے کی ترقی میں مسلم لیگ کا کردار ہے۔

نواز شریف نے کہا کہ پچھلی حکومت نے جو ملک کا حال کیاتھا مسلم لیگ  ن بتدریج اسے بہتر بنا رہی ہے، ملکی حالات بہتر ہو رہے ہیں، معیشت بہتر ہو رہی ہے۔

قائد مسلم لیگ ن کا کہنا تھاکہ لوگ کام کو ووٹ دیتے ہیں،سیاست کے ساتھ ساتھ کام بھی ہونا چاہیے۔

انہوں نے کہا کہ ہر شعبے کی ترقی میں مسلم لیگ کا کردار ہے۔ ملک کی تعمیر میں جو کردار مسلم لیگ ن کا ہے وہ شاید کسی اور پارٹی کا نہ ہو۔ ان کی جماعت ملک کی تعمیر کررہی ہے۔

نواز شریف نے کہاکہ ہمارے زمانے میں 4 سال تک روپیہ مستحکم رہا، شرح نمو 7 کو چھو رہی تھی،مسلم لیگ ن نے پاکستان کو ایٹمی قوت بنایا، چین کے ساتھ مل کر جے ایف 17 بنائے۔

واضح رہےکہ نواز شریف اپنا چیک اپ کروانےلندن گئے ہیں اور وہ عید بھی وہیں گزاریں گے۔