عمران خان کیخلاف دہشت گردی کا مقدمہ چلانے کی تیاریاں

وفاقی حکومت نےعمران خان کیخلاف دہشت گردی کا مقدمہ چلانے کیلئے تیاریاں کرلیں۔منظوری وفاقی کابینہ سےلی جائے گی۔

ذرائع کا کہنا ہےکہ کابینہ کی منظوری کےبعدبانی پی ٹی آئی عمران خان کیخلاف دہشتگردی کا مقدمہ چلایاجائےگا،منصوبے کے مطابق انسداد دہشتگردی کی خصوصی عدالت میں ٹرائل چلانےکی تیاری کی جارہی ہے۔

ذرائع نے بتایا ہےکہ عمران خان پرپرسوشل میڈیا کےذریعے لوگوں کوریاست کے خلاف بغاوت پراکسانےکےالزامات ہیں جبکہ ایف آئی اے سائبر کرائم ونگ نے بانی پی ٹی آئی عمران خان کیخلاف انکوائری مکمل کر لی۔

بانی پی ٹی آئی عمران خان کیخلاف ٹرائل پاکستان پینل کوڈ کےچیپٹر 6 اور 9 اے کے تحت چلایا جائے گا، پاکستان پینل کوڈ کی دیگر متعلقہ سیکشنزکے حت بھی ان کے خلاف کارروائی ہوگی۔

سی آر پی سی کےسیکشن 196 کے تحت کمپلینٹ فائل کرنے کیلئےکابینہ کی منظوری درکار ہے، مختلف جرائم پرملزمان کےخلاف کارروائی کیلئےکابینہ کی منظوری ضروری ہوتی ہے۔

واضح رہے کہ دو روز قبل وزارت داخلہ نےاسلام آباد ہائیکورٹ میں ایک رپورٹ جمع کرائی جس کے مطابق عمران خان کے خلاف پنجاب میں 99 اورخیبرپختونخوا میں 2 مقدمات درج ہیں۔

پولیس کی رپورٹ کےمطابق اسلام آباد میں بانی پی ٹی آئی عمران خان کیخلاف ف 74 مقدمات درج ہیں،ایف آئی اے کی رپورٹ کے مطابق ایف آئی اے میں بانی پی ٹی آئی کےخلاف7مقدمات زیرالتواہیں۔

نیب میں بانی پی ٹی آئی عمران خان کے 3 مقدمات زیرِالتواہیں جبکہ توشہ خانہ فوجداری کیس میں سزا کے خلاف بانی پی ٹی آئی عمران خان  کی اپیل زیرالتوا ہے۔