حکومتی اخراجات میں کمی کر کے عوامی فلاح و بہبود کو ترجیح دے رہے ہیں : وفاقی وزیر خزانہ
وفاقی وزیر خزانہ محمد اورنگزیب نے کہاہے کہ حکومت نے دہرے خسارے قابو کیے،کرنٹ اکاؤنٹ خسارہ اور مالیاتی خسارہ سرپلس میں آیا،حکومتی اخراجات میں کمی کر کے عوامی فلاح و بہبود کو ترجیح دےرہے ہیں۔
وزیر خزانہ محمد اورنگزیب کا کہنا ہے کہ آئندہ 3 سے 5 سال میں برآمدات کو 30 ارب سے بڑھاکر 60 ارب ڈالر تک لےجانا چاہتے ہیں۔گزشتہ 12 سے 14 ماہ میں معیشت کی بہتری کےلیے اہم پیش رفت ہوئی۔
ان کا کہنا تھا کہ حکومت نے مہنگائی اور شرح سود میں کمی کےلیے اہم فیصلے کیے۔ حکومت نے زرمبادلہ کے ذخائر کو مستحکم کیا۔
محمد اورنگزیب نے کہاکہ نجکاری کے عمل کو مزید تیز کریں گے،سرکاری اداروں میں اصلاحات کا عمل جاری رکھیں گے،سرکاری اداروں کے نقصانات کم کرنے کےلیے رائٹ سائزنگ کررہے ہیں،رائٹ سائزنگ سے حکومتی اخراجات میں واضح کمی آئے گی۔
انہوں نے کہاکہ وزیر اعظم شہباز شریف پائیدار اور مستحکم اقتصادی ترقی چاہتےہیں،حکومت نے دہرے خسارے قابو کیے،کرنٹ اکاؤنٹ خسارہ اور مالیاتی خسارہ سرپلس میں آیا،حکومتی اخراجات میں کمی کر کے عوامی فلاح و بہبود کو ترجیح دےرہے ہیں۔
کاروبار چلانا حکومت کا کام نہیں معاملات نجی شعبے کے حوالے کرنا ہوں گے : مصدق ملک
ان کاکہنا تھاکہ تجارت کے فروغ میں پاکستان اہم کردار ادا کرسکتا ہے،خطے میں پاکستان کی تجارتی شراکت بڑھانا چاہتےہیں،خطے میں تجارت کےفروغ سے پاکستان کی برآمدات میں اضافہ ممکن ہے۔
