قومی اسمبلی کا اجلاس کل طلب، 6 نکاتی ایجنڈا جاری

سپریم کورٹ کے حکم پر کل طلب کیے جانے والے والے قومی اسمبلی اجلاس کا 6 نکاتی ایجنڈا جاری کر دیا گیا۔

قومی اسمبلی اجلاس کی طلبی کے حوالے سے سپریم کورٹ کے فیصلے کی مصدقہ کاپی قومی اسمبلی سیکرٹریٹ کو موصول ہوگئی ہے، جب کہ اسپیکر قومی اسمبلی اسد قیصر کو بھی عدالتی فیصلہ بھجوایا گیا، جس میں سپریم کورٹ نے اسپیکر کو اجلاس کل صبح طلب کرنے کا حکم دے رکھا ہے۔

وزیراعلیٰ کے انتخاب کی درخواست پر سپیکر، ڈپٹی سپیکر کو نوٹس

قومی اسمبلی سیکرٹریٹ سےجاری کیے جانے والے ایجنڈے کے مطابق اجلاس 9 اپریل بروز ہفتہ صبح ساڑھے 10 بجے ہوگا، جس میں تحریک عدم اعتماد پر ووٹنگ چوتھے نمبر پر ہے، قومی اسمبلی کے 6 نکاتی ایجنڈے میں تحریک عدم اعتماد کی قرارداد چوتھے نمبر پر ہے۔ 6 نکاتی ایجنڈے میں وقفہ سوالات اور دو توجہ دلاؤ نوٹس بھی شامل ہیں جب کہ نکتہ اعتراض کو بھی ایجنڈا میں شامل کیا گیا ہے۔