PSL8:لاہور قلندرز نے کوئٹہ گلیڈی ایٹرز کو شکست دیدی
پاکستان سپر لیگ کے آٹھویں ایڈیشن کے 10 ویں میچ میں کوئٹہ گلیڈی ایٹرزلاہور قلندرز کے 199 رنز کے ہدف کے تعاقب میں مقررہ 20 اوورز میں 8 وکٹوں کے نقصان پر 135 رنز بنا سکی۔
نیشنل اسٹیڈیم کراچی میں کھیلے جانے والے میچ میں کوئٹہ گلیڈی ایٹرز کی جانب سے جیسن روئے 48 رنز بنا کر نمایاں رہے۔ محمد حفیظ 25، مارٹن گپٹل 15، قیس احمد 9، اوڈین اسمتھ 9، افتخار احمد 6 اور محمد نواز 2 رنز بنا کر آؤٹ ہوئے۔کپتان سرفراز احمد 16 رنز بنا کر ناٹ آؤٹ رہے۔لاہور قلندرز کی جانب سے کپتان شاہین شاہ آفریدی اور ڈیوڈ ویزے نے 3،3 جبکہ راشد خان اور سکندر رضا نے 1،1 وکٹ حاصل کی
لاہور قلندرز نے کوئٹہ گلیڈی ایٹرز کی دعوت پر پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 198 رنز بنائے۔لاہور قلندرز کی جانب سے وکٹ کیپر بیٹر شائے ہوپ 47 رنز بنا کر نمایاں رہے۔ مرزا بیگ 31، حسین طلعت 26، فخر زمان 22، کامران غلام 21 اور ڈیوڈ ویزے 1 رن بنا کر آؤٹ ہوئے۔
سکندر رضا 32 جبکہ راشد خان 11 رنز بنا کر ناقابلِ شکست رہے۔کوئٹہ گلیڈی ایٹرز کی جانب سے اوڈین اسمتھ اور قیس احمد نے 2،2 جبکہ محمد نواز اور محمد حسنین نے 1،1 وکٹ حاصل کی۔
کوئٹہ گلیڈی ایٹرز کے سکواڈ میں سرفراز احمد(کپتان)، جیسن روئے، عبدل بنگلزئی، مارٹن گپٹل، محمد نواز، سرفراز احمد، افتخار احمد، محمد حفیظ، اوڈین اسمتھ، قیس احمد، محمد حسنین اور نسیم شاہ جبکہ لاہور قلندرز کے سکواڈ میں شاہین شاہ آفریدی(کپتان)، فخر زمان، طاہر بیگ، شے ہوپ، کامران غلام، حسین طلعت، سکندر رضا، راشد خان، ڈیوڈ ویزے، حارث رؤف اور زمان خان شامل ہیں۔
واضح رہے کہ کوئٹہ گلیڈی ایٹرز کی ٹیم نے اب تک ایونٹ میں کھیلے گئے تین میچوں میں سے ایک میں کامیابی حاصل کی جبکہ دو میں اسے شکست ہوئی۔لاہور قلندرز نے اب تک کھیلے گئے دو میچوں میں سے ایک میں کامیابی سمیٹی جبکہ دوسرے میں انہیں ناکامی کا منہ دیکھنا پڑا۔
