وزیراعظم اور مولانافضل الرحمان ملاقات کی اندرونی کہانی آ گئی
وزیراعظم شہبازشریف اور جےیو آئی کےامیرمولانافضل الرحمان کے مابین ملاقات کی اندرونی کہانی سامنے آ گئی۔
وزیراعظم شہبازشریف کی مولانا فضل الرحمان سےان کی رہائش گاہ پر ملاقات کی اندرونی کہانی سامنے ٓگئی، ملاقات میں مولانا نےدینی مدارس کی رجسٹریشن والا معاملہ اٹھادیا۔
ذرائع کے مطابق اپوزیشن جماعتوں کےاسدقیصر کی رہائش گاہ پرعشائیے کے بعد حکومت نے مولانا سے رابطہ کیا جس پر مولانا نے وزیراعظم کو ملاقات کیلئےمدعو کرلیا۔
ذرائع کا کہنا ہے کہ وزیراعظم شہبازشریف اور مولانا فضل الرحمان کی ملاقات منگل کی رات کھانے کے بعد ہوئی جس میں مولانا نےدینی مدارس کی رجسٹریشن والا معاملہ اٹھایا اور وزیراعظم کومدارس رجسٹریشن بل صوبوں سے منظورکرانے کا وعدہ یاد دلایا۔
شہبازشریف نے کہاکہ وہ لاہورجارہے ہیں اور وزیراعلیٰ پنجاب سے بل کی منظوری پر بات کریں گے، وزیراعظم نے یقین دہانی کرائی کہ وہ جمعیت علمائے اسلام اور پنجاب حکومت کا براہ راست رابطہ کروادیں گے۔
ذرائع کے مطابق مولانا فضل الرحمان فاٹا اور جنوبی اضلاع کے معاملات پرپشاور میں جرگہ بلا رہےہیں،دونوں رہنماؤں کے درمیان جرگے کے حوالے سے امور پر بھی بات چیت ہوئی۔
وزیراعظم سے ملاقات میں بلوچستان،سندھ اور کے پی کے میں امن و امان کی صورتحال بھی زیربحث آئی۔
