آئندہ دو سال کےلیے پاکستان سپر لیگ کے ٹائٹل سپانسر کا فیصلہ ہوگیا

آئندہ دو سال کےلیے پاکستان سپر لیگ کے ٹائٹل سپانسر کا فیصلہ ہو گیا حبیب بینک لمیٹڈ (ایچ بی ایل) ہی پی ایس کا سپانسر ہوگا۔

تفصیلات کے مطابق حبیب بینک لمیٹڈ نے پاکستان سپر لیگ (پی ایس ایل) کے ساتھ بطور ٹائٹل سپانسر معاہدے کی تجدید کرلی۔نیشنل بینک سٹیڈیم کراچی میں پی ایس ایل کے سی ای او سلمان نصیر اور حبیب بینک کے چیف مارکیٹنگ اینڈ کمیونیکیشن آفیسرز علی حبیب نے مشترکہ پریس کانفرنس کی۔

معاہدے پر دستخط کےبعد میڈیا سے گفتگو میں علی حبیب نے بتایاکہ پی ایس ایل کی ویلیو میں 505 فیصد اضافہ ہوا ہے۔دس سالہ معاہدے میں تجدید کا فیصلہ سوچ و بچار کےبعد کیا ہے۔علی حبیب نےکہا کہ پی ایس ایل ایک برانڈ بن گیا ہے، اس لیگ کی وجہ سے نہ صرف انٹرنیشنل کرکٹ کو واپس پاکستان لانے میں مدد ملی بلکہ نئے ٹیلنٹ کو بھی مواقع ملے۔

پی ایس ایل کے سی ای او سلمان نصیر کا کہنا تھا کہ پی ایس ایل کی نئی ویلیو ایشن کی حتمی رپورٹ اسی ہفتے سامنے آجائے گی۔انہوں نے واضح کیا کہ کسی کے نہ ہونےسے لیگ رکے گی نہیں،ٹائٹل سپانسر کے ساتھ ملکر آگے بڑھیں گے۔

سلمان نصیر نے کہا کہ پشاور میں بھی میچز کرانے کا ارادہ ہے۔ممکنہ طور پر نئی آنے والی دو ٹیموں کے شہروں میں بھی میچز کروائے جائیں گے۔