اداکاراؤں کو میسجز کرنےمیں کیا بری بات ہے؟ شاداب خان
قومی کرکٹ ٹیم کےآل راؤنڈز شاداب خان کاکہنا ہے کہ اداکاراؤں کو میسجز کرنے میں کیا بری بات ہے؟
نجی ٹی وی شو میں شاداب خان سے سوال کیاگیا کہ اکثر اداکارائیں دعویٰ کرتی ہیں کہ انہیں کرکٹرز میسج کرتے ہیں، آپ نے کس کو میسج کیا؟
کرکٹر شاداب خان نےکہا کہ اگر کرکٹرز میسج کرتے بھی ہیں تو اس میں کیا بری بات ہے، کسی اداکارہ کو اگر ڈی ایم پسند نہیں آرہا تو آسان حل یہ ہے کہ اُسے نظر انداز کردیں۔ شاداب نے کہا کہ کچھ لوگ شہرت حاصل کرنے کیلئےیہ باتیں کرتے ہیں اور خاص طور پر ورلڈکپ یا بڑے ایونٹ کے وقت اس طرح کی باتیں سامنے آتی ہیں۔
شاداب نے کہا کہ جب اس طرح کی بات سامنے آتی ہے تو ہم آپس میں پوچھتے ہیں کہ کس نے میسج کیا۔
واضح رہے کہ پاکستانی شوبز انڈسٹری کی متعدد اداکاراؤں کی جانب سے دعویٰ کیا جاچکا ہے کہ کئی کرکٹرز کی جانب سےانہیں سوشل میڈیا پلیٹ فارمز پر میسجز کیے گئے ہیں۔
