پاکستان پیپلزپارٹی کے رہنما خورشید شاہ نے کہا ہے زرداری صاحب نے بلاول کے ہاتھ کھول دیے تو ہم 80 کی دہائی میں چلے جائیں گے، ن لیگ اس سے خود بھی بچے اور ہمیں بھی بچائے۔

 رہنما پیپلزپارٹی کا نجی ٹی وی پر انٹرویو میں کہنا تھاکہ  زرداری صاحب ن لیگ اور نوازشریف کے ساتھ لڑنا نہیں چاہتے اور چاہتے ہیں کہ مزید 5 سال ایک دوسرے کو برداشت کرنا چاہیے۔ پی پی رہنما کا کہنا تھا کہ ہمارا مطالبہ ہے کہ لیول پلیئنگ فیلڈ فراہم کیا جائے، وفاق میں نگران حکومت دراصل ن لیگ کی ہے، وفاقی کابینہ میں ن لیگ کے کچھ لوگ بیٹھے ہیں۔ انہوں نے مزید کہا کہ پنجاب میں ہماری مرضی سے حکومت نہیں بنی ملک میں ن لیگ کی حکومت ہے تو شکوہ بھی ان ہی سے ہے، ن لیگ والے اپنے ہیں، شکایت اپنوں سے ہی کی جاتی ہے۔