خبردار! یہ تکیہ نہیں ہے

یہ تکیہ نظر تو آتا ہے مگر تکیہ ہے نہیں، یہ سنگِ مرمر سے تراشا ہوا ایک شاہکار ہے، جو دیکھنے میں بالکل اصلی تکیے جیسا نظر آتا ہے۔
ناروے کے ماہر مجسمہ ساز ہاکون اینتون فیگراس کو مختلف انسانوں اور چیزوں کے مجسمے بناتے بناتے خیال آیا کہ کیوں نہ کچھ الگ کرکے دیکھا جائے، چنانچہ انہوں نے سنگِ مرمر کو اس انداز سے تراشنا شروع کر دیا کہ وہ دور سے دیکھنے پر سفید اور نرم و ملائم تکیے کی طرح دکھائی دینے لگے۔
https://www.youtube.com/watch?time_continue=21&v=GmliGaNw4r0&feature=emb_title
ہاکون اپنے کام میں اس قدر ماہر ہیں کہ بعض لوگ ان کے بنائے ہوئے ’’پتھریلے تکیوں‘‘ کو چھو کر دیکھتے ہیں اور تب کہیں جاکر انہیں یقین آتا ہے کہ یہ اصلی تکیے نہیں بلکہ سنگِ مرمر سے تراشے ہوئے، تکیوں کے بُت ہیں۔