There is blood on the face of the establishment, urdu news تحریک انصاف کے رہنما و سابق وفاقی وزیر فواد چوہدری نے کہا ہے کہ اسٹیبلشمنٹ کے منہ کو لہو لگا ہوا ہے کہ انہوں نے سیاسی فیصلے کرنے ہیں۔ پاکستان میں جس طرح سے پالیسیاں بن رہی ہیں یہ مذاق ہے۔

لاہور میں پریس کانفرنس سے خطاب میں فواد چوہدری نے کہا یہ نہیں ہو سکتا کہ ہمارے کچھ جنرلز اور ججز بند کمروں میں بیٹھ کر فیصلے کر دیں کہ آج سے ہماری پالیسی یہ ہو گی اور اگلے دن ہم بدل جائیں۔اسٹیبلشمنٹ کے منہ کو لہو لگا ہوا ہے کہ انہوں نے سیاسی فیصلے کرنے ہیں، یہ بدقسمتی سے پاکستان کی تاریخ ہے جو بدل جائے گی۔ پاکستان کے عوام کو فیصلوں کا حق دینا ہوگا۔

اداکارہ صاحبہ نے کبھی بیٹی کی خواہش کیوں نہیں کی؟

انہوں نے کہا پاکستان کے سیاسی فیصلے سیاسی میدان میں ہی ہونے چاہییں۔ ججوں اور جنرلز نے ایک کیرئیر چنا ہے اور اس کے وقار کے مطابق فیصلے ہونے چاہییں ۔یہ نہیں ہو سکتا کہ جج ہوں یا فوج میں کمیشن لیا ہو لیکن کرنا سیاست ہو۔

رہنما پی ٹی آئی نے کہا باربار سائفرپر زور دیا گیا لیکن ججوں کی جانب سے کہا گیا کہ سائفر کے بارے میں تفصیل سے بات نہ کریں۔ ایک طرف آپ تحقیقات کرنے کے لئے تیار نہیں دوسری طرف یہ کہہ رہے ہیں کہ تحقیقات نہیں کی گئیں اوربات نہیں ہوئی۔ لوگوں کو پتا ہے کہ آپ سائفرکی تحقیقات کیوں نہیں کرنا چاہ رہے۔

فواد چوہدری نے کہاسپریم کورٹ کے فیصلے میں حقائق کو مدنظر نہیں رکھا گیا۔ مریم نواز سزا یافتہ خاتون اورضمانت پرہیں۔ ایک سزا یافتہ خاتون کیسے کہہ سکتی ہیں کہ تیل کی قیمت کم ہورہی ہے۔پیپلز پارٹی اور (ن) لیگ نے اپنی سیاست تباہ کردی ہے۔ نیشنل سکیورٹی کونسل کے منٹس بھی لاکر پڑھ لیتے۔ آرٹیکل 6 لگنی شروع ہو جائے تو راستے کم پڑ جائیں گے۔فیصلہ ووٹ سے کرنا ہے یا سری لنکا کی طرح۔قوم انقلاب کے لیے تیار ہے۔