عالمی تنظیموں کو طالبان ، حقانی نیٹ ورک کیساتھ تعاون کی اجازت

افغانستان میں مالی بحران کو ختم کرنے کیلئے امریکہ کے محکمہ خزانہ نے حکومت ، این جی اوز اور عالمی تنظیموں کو طالبان اور حقانی نیٹ ورک کے ساتھ تعاون کی اجازت دے دی ہے ۔

روسی خبر رساں ایجنسی کے مطابق ، محکمہ خزانہ نے طبی ادویات اور آلات برآمد کرنے کے لیے لائسنس دینے کے ساتھ برآمدات کا آغاز کیا ہے۔امریکی محکمہ خزانہ کے مطابق انسانی امداد کے لیے درخواستوں کو ترجیح دی جائے گی۔امریکی محکمہ خزانہ کے ڈائریکٹر نے بتایا کہ افغانستان کے لوگوں کے لیے انسانی امداد اور دیگر بنیادی انسانی ضروریات کو آسان بنانے کے لیے پرعزم ہیں ۔

 امریکہ ، مالیاتی ادارے اور بین الاقوامی تنظیمیں افغانستان میں زرعی مصنوعات ، ادویات اور دیگر وسائل کو بڑھانے کے لیے کام جاری رکھیں گے۔اطلاعات کے مطابق تنخواہوں کی ادائیگی میں تاخیر کی وجہ سے افغان طالبان مشکلات کا شکار ہیں جبکہ بیشتر ریاستی ملازمین ابھی تک کام پر واپس نہیں آئے ہیں۔

افغان مرکزی بینک کے پاس سرکاری اور غیر سرکاری تنظیمیں ہیں جنہیں ملک کے کچھ علاقوں میں امریکی ڈالر ، ایرانی روپے اور پاکستانی روپے کا استعمال بند کرنا ہوگا اور اپنے معاہدوں میں قومی کرنسی کے استعمال کو بڑھانا ہوگا ۔