پرویز مشرف سمیت اصل مجرموں کو کب کٹہرے میں لایا جائے گا؟
سابق صدر آصف علی زرداری کی صاحبزادی بختاور بھٹوزرداری نے کہا ہے کہ تحریک انصاف کے اسٹرانگ مین نیب نے بلاول زرداری کو پھر بلالیا ہے، بتایا جائے کہ عمران خان، ان کی بہن اور پرویز مشرف سمیت اصل مجرم، بھگوڑے اور کرپٹ افراد کو کب قانون کے کٹہرے میں لایا جائے گا. ساتھ ہی بختاور بھٹو زرداری نے وزیراعظم عمران خان کی پریشانیوں کی فہر ست گنوادی۔
بختاوربھٹوزرداری نے مائیکرو بلاگنگ ویب سائٹ ٹوئٹر پر اپنے ٹوئٹ میں وزیراعظم عمران خان کی پریشانیوں کی فہر ست گنواتے ہوئے کہا ہے کہ ہمارے کٹھ پتلی وزیر اعظم پریشان کیوں ہیں؟ وزیراعظم اپنی غیر معمولی کارکردگی کی وجہ سےپریشان ہیں ؟ وزیراعظم غریبوں کی تعداد میں 18ملین افراد کے اضافے سے پریشان ہیں ؟
What is our Puppet PM worried about? His abysmal performance? The addition of 18 million people into poverty? Loss of Kashmir? Ehsanullah Ehsan (self confessed terrorist behind APS massacre) miraculous escape from custody? No, it’s @BBhuttoZardari
— Bakhtawar B-Zardari (@BakhtawarBZ) February 10, 2020
بختاوربھٹوزرداری نے مزید سوال کرتے ہوئے لکھا کہ وزیراعظم کشمیر کے نقصان سے پریشان ہیں ؟ وزیراعظم اعترافی مجرم احسان اللّٰہ احسان کے فرار سے پریشان ہیں ؟ انہوں نے طنزیہ انداز خود ہی جواب دیتے ہوئے لکھا کہ نہیں وزیراعظم مستقل منہگائی کے خلاف اپنے موقف اور بڑھتی غربت سے پریشان ہیں۔
Just wondering when the actual criminals, absconders and corrupt people will be held accountable? Ie IK, his sisters, his entire cabinet and his runaway father Musharraf.
— Bakhtawar B-Zardari (@BakhtawarBZ) February 10, 2020
بختاور بھٹو زرداری نے مزید کہا کہ پی ٹی آئی کے اسٹرانگ مین نیب نے بلاول زرداری کو پھر بلالیا ہے۔ نیب پر تنقید کرتے ہوئے انہوں نے مزید لکھا کہ وہی نیب جو عدلیہ اور منتخب نمائندوں سے بالاتر ہے۔
بختاور بھٹو زرداری نے آخر میں سوال اٹھاتے ہوئے لکھا کہ اصل مجرم، بھگوڑے، کرپٹ افراد کو کب قانون کے کٹہرے میں لایا جائے گا، یعنی عمران خان ، ان کی بہن ، پوری کابینہ اور مفرور پرویز مشرف کو۔
In response to his consistent stand against mehengai and increasing poverty, PTI’s strongman NAB conveniently summons @BBhuttoZardari yet again. The same NAB that somehow still holds authority above courts and elected representatives.
— Bakhtawar B-Zardari (@BakhtawarBZ) February 10, 2020
