ایشیا کپ 2025: افغانستان نے 17 رکنی سکواڈ کا اعلان کر دیا

افغانستان کرکٹ بورڈ نے ایشیا کپ 2025 کے لیے اپنے 17 رکنی سکواڈ کا اعلان کر دیا ہے۔

بورڈ کی جانب سے جاری کردہ اعلامیے کے مطابق، ٹیم کی قیادت راشد خان کریں گے۔ دیگر کھلاڑیوں میں رحمان اللّٰہ گرباز، ابراہیم زادران، درویش رسولی، صدیق اللّٰہ اتل، عظمت اللّٰہ عمرزئی، کریم جنت اور محمد نبی شامل ہیں۔

اس کے علاوہ سکواڈ میں گلبدین نائب، شرف الدین اشرف، محمد اسحاق، مجیب الرحمٰن، اے ایم غضنفر، نور احمد، فرید احمد ملک، نوین الحق اور فضل حق فاروقی کو بھی جگہ دی گئی ہے۔

یاد رہے کہ افغانستان کی ٹیم ایشیا کپ سے قبل ایک سہ فریقی سیریز میں بھی شرکت کرے گی۔

واضح رہے کہ یہ ایونٹ 9 ستمبر سے شروع ہوگا، جس میں افغانستان گروپ بی میں شامل ہے۔ اس گروپ میں اس کا مقابلہ بنگلادیش، سری لنکا اور ہانگ کانگ کی ٹیموں سے ہوگا۔