سلہٹ ٹیسٹ: پاکستان کے خلاف بنگلادیش کی بیٹنگ جاری

بنگلادیش کے خلاف دوسرے ٹیسٹ میچ میں پاکستان کے کپتان شان مسعود نے ٹاس جیت کر پہلے فیلڈنگ کا فیصلہ کیا ہے۔ قومی ٹیم میں 3 تبدیلیاں کی گئی ہیں۔

سلہٹ میں کھیلے جارہے دوسرے ٹیسٹ کےلیے پاکستانی ٹیم میں 3 تبدیلیاں کی گئی ہیں، امام الحق، شاہین آفریدی اور نعمان علی کی جگہ بابر اعظم، خرم شہزاد اور ساجد خان کو ٹیم میں شامل کیاگیا ہے۔

یاد رہے کہ بنگلادیش نے پاکستان کو پہلے ٹیسٹ میچ میں 104 رنز سے شکست دی تھی۔ 268 رنز کے ہدف کے تعاقب میں پاکستان ٹیم کو دوسری اننگز میں شدید مشکلات کا سامنا رہا تھا اور قومی ٹیم 163 رنز بناکر آؤٹ ہوگئی تھی۔

2 ٹیسٹ میچز کی سیریز میں بنگلا دیش کو ایک صفر سے برتری حاصل ہے۔