گاڑی جلانےکاکیس،شاہ محمودبری،یاسمین راشد،اعجاز چودھری،سرفرازچیمہ کو10،10سال قیدکی سزا
گاڑی جلانےکے کیس میں شاہ محمودبری،یاسمین راشد،اعجاز چودھری،سرفرازچیمہ،میاں محمود الرشید کو10،10سال قیدکی سزاسنادی گئی۔
لاہور کی انسدادِ دہشت گردی عدالت نے 9 مئی واقعات سے متعلق ایک اور مقدمے کا فیصلہ سنا دیا۔ پی ٹی آئی کے وائس چیئرمین شاہ محمود قریشی کو مقدمے سے بری کردیا گیا، تاہم پارٹی کی کئی اہم رہنماؤں کو قید کی سزائیں سنائی گئی ہیں۔
عدالتی فیصلے کے مطابق جناح ہاؤس کے قریب سرکاری گاڑی جلانے کے کیس میں ڈاکٹر یاسمین راشد،اعجاز چودھری، عمر سرفراز چیمہ اور میاں محمود الرشید کو 10، 10 سال قید کی سزا سنائی گئی۔
گاڑیاں جلانے کے کیس میں خدیجہ شاہ کو 5 سال قید کی سزا دی گئی۔
انسداد دہشت گردی عدالت کے جج منظر علی گل نے یہ فیصلہ سنایا جو پہلے محفوظ کیا گیا تھا۔
مجموعی طور پر عدالت نے 39 ملزمان کے خلاف فیصلہ سنایا، جن میں سے 18 کو قید کی سزائیں سنائی گئیں جبکہ روبینہ جمیل سمیت 21 افراد کو مقدمے سے بری کردیا گیا۔
