سنچورین ٹیسٹ:تیسرے روز کا کھیل ختم، جنوبی افریقہ نے27 رنزبنالئے

جنوبی افریقہ کیخلاف سنچورین میں تیسرے روزکاکھیل ختم ہوگیا۔جنوبی افریقہ کی ٹیم نے3وکٹو ں کے نقصان پر 27رنز بنا لئے۔

ٹیسٹ کے تیسرے روزقومی کرکٹ ٹیم237 رنزبناکرآؤٹ ہو گئی اور جنوبی افریقہ  کو جیت کیلئے148رنز کاہدف دیا۔

پاکستان اور جنوبی افریقہ کے درمیان 2 ٹیسٹ میچوں کی سیریز پر مشتمل پہلے میچ میں تیسرے روز کا کھیل بارش کے باعث تاخیر سے شروع ہوا، قومی ٹیم کے 148 رنز کے ہدف کے تعاقب میں جنوبی افریقہ کی ٹیم مشکلات کا شکار، 3 وکٹوں پر 27 رنز بنا لیے۔

سنچورین میں کھیلے جارہے ٹیسٹ میچ میں جنوبی افریقہ کے کپتان ٹیمبا باووما ٹاس جیت کر باؤلنگ کا فیصلہ کیا۔

پاکستان کی دوسری اننگز

دوسری اننگز میں صائم ایوب، 27، کپتان شان مسعود 28، کامران غلام 4 رنز بناکر آؤٹ ہوئے جبکہ کھیل کے تیسرے روز قومی ٹیم نے 3 وکٹوں کے نقصان پر 88 رنز سے اننگز کی شروعات کی، بابر اعظم اور سعود شکیل نے چوتھی وکٹ کے لیے 79 رنز کی شراکت داری قائم کی اور اسکور کو 153 رنز تک پہنچایا، بابر اعظم نصف سینچری اسکور کرنے کے بعد 50 رنز پر آؤٹ ہوئے۔

سعود شکیل نے پر اعتماد بیٹنگ کو جاری رکھتے ہوئے 50 اسکور کی تاہم دوسرے اینڈ سے وکٹیں گرنے کا سلسلہ جاری رہا اور شاہینز مارکو جانسن کی تباہ کن بولنگ کے سامنے بے بس نظر آئے، محمد رضوان 3، آغا سلمان 1 اور آل راؤنڈر عامر جمال 18 رنز بنا کر آؤٹ ہوئے جبکہ نسیم شاہ بغیر کھاتہ کھولے ہی پویلین لوٹ گئے، یوں پوری ٹیم 237 رنز بنا کر آؤٹ ہوگئی۔

جنوبی افریقہ کی جانب سے فاسٹ باؤلر مارکو جانسن نے شاندار باؤلنگ کا مظاہرہ کرتے ہوئے 6 کھلاڑیوں کو پویلین کی راہ دکھائی، کگیسو رباڈا 2 وکٹیں لے کر نمایاں باؤلر رہے۔

پروٹیز کی جانب سے مارکو جانسن نے 2 اور کگیسو ربادا نے ایک وکٹ حاصل کی۔

پاکستان کی پہلی اننگز

میچ کی پہلی اننگز میں قومی ٹیم کا ٹاپ آرڈر مکمل ناکام رہا، مڈل آرڈر بلے باز کامران غلام کے علاوہ کوئی بھی کھلاڑی نمایاں کارکردگی نہیں دکھا سکا، کامران غلام 54 رنز کے ساتھ ٹاپ اسکورر رہے۔

دیگر کھلاڑیوں میں صائم ایوب 14، کپتان شان مسعود 17، بابراعظم 4، نائب کپتان سعود شکیل 14، محمد رضوان 27، عامر جمال 28 اور سلمان علی آغا 18 رنز بناسکے۔

جنوبی افریقہ کی جانب سے ڈین پیٹرسن نے 5 اور ٹیسٹ ڈیبیو کرنے والے کوربن بوش نے 4 کھلاڑیوں کا شکار کیا۔

جنوبی افریقہ کی پہلی اننگز

پاکستان کی طرح پروٹیز کے ٹاپ آرڈر میں ایڈن مرکرم 89 کے علاوہ کوئی خاطر خواہ کارکردگی نہ دکھا سکا، تاہم باؤلنگ آل راؤنڈر کوربن بوش نے 81 رنز کی اننگز کھیل کر ٹیم کو واضح برتری دلوائی۔

قومی ٹیم کی جانب سے خرم شہزاد اور نسیم شاہ نے 3، 3 کھلاڑیوں کو آؤٹ کیا جبکہ عامر جمال 2 اور محمد اور صائم ایوب ایک، ایک وکٹ حاصل کر سکے۔

دیگر کھلاڑیوں میں ٹونی ڈی زوردی 2، ریان رکلٹن 8 اور ٹرسٹن اسٹبز 9، کپتان ٹیمبا باووما 31 رنز بنا کر آؤٹ ہوئے۔

پاکستان پلیئنگ الیون میں شان مسعود (کپتان)، بابر اعظم، صائم ایوب، کامران غلام، سلمان علی آغا، محمد رضوان (وکٹ کیپر)، سعود شکیل (نائب کپتان)، عامر جمال، نسیم شاہ، خرم شہزاد اور محمد عباس شامل ہیں۔

جنوبی افریقہ پلیئنگ الیون  میں ٹیمبا باووما (کپتان)، ایڈن مرکرم، ٹونی زی زورزی، ریان رکلٹن، ٹرسٹن اسٹبز، ڈیوڈ بیڈنگھم، کائل ویریننے (وکٹ کیپر)، مارکو جانسن، کگیسو ربادا، دین پیٹرسن، کوربن بوش شامل ہیں۔