چارلی کرک کی اہلیہ کا قاتل کو معاف کرنے کا اعلان

امریکی ریاست ایریزونا میں صدر ٹرمپ کے قریبی ساتھی چارلی کرک کی یاد میں ایک تعزیتی تقریب کا انعقاد کیا گیا، جس میں امریکی صدر ڈونلڈ ٹرمپ نے بھی شرکت کی۔

اس موقع پر چارلی کرک کی اہلیہ ایریکا کرک نے اپنے شوہر کو خراجِ عقیدت پیش کیا اور آبدیدہ ہوتے ہوئے شوہر کے قاتل کو معاف کرنے کا اعلان کر دیا۔
ایریکا نے خطاب میں کہا:
"نفرت کا جواب نفرت نہیں، بلکہ معافی ہے۔”

صدر ٹرمپ نے ایریکا کرک کو تسلی دیتے ہوئے چارلی کرک کو "امریکی آزادی کا شہید” قرار دیا اور ان کے مشن کو آگے بڑھانے کے عزم کا اظہار کیا۔

چارلی کرک، جو کہ ایک قدامت پسند سیاسی رہنما، اسرائیل نواز کارکن، اور صدر ٹرمپ کے قریبی ساتھی تھے، کو 11 ستمبر کو یوٹا یونیورسٹی میں تقریر کے دوران گولی مار دی گئی تھی۔

عینی شاہدین کے مطابق، حملہ اس وقت ہوا جب وہ گن کنٹرول اور ہجوم پر فائرنگ جیسے حساس موضوعات پر اظہارِ خیال کر رہے تھے۔

چارلی کرک "ٹرننگ پوائنٹ یو ایس اے” کے بانی بھی تھے، جو 2012 میں قائم ہونے والی ایک تنظیم ہے جو امریکی تعلیمی اداروں میں قدامت پسند نظریات کے فروغ کے لیے سرگرم عمل ہے۔