چہلم امام حسینؓ: ملک بھر میں پاک فوج اور سول آرمڈ فورسز تعینات
وفاقی حکومت نے چہلم امام حسینؓ کے موقع پر فول پروف سکیورٹی کو یقینی بنانے کےلیے ملک بھر میں پاک فوج اور سول آرمڈ فورسز کو تعینات کردیا۔ چاروں صوبوں، گلگت بلتستان ،آزاد کشمیر اور اسلام آباد کی انتظامیہ نے اس سلسلے میں سکیورٹی کی درخواست کی تھی۔
وفاقی کابینہ سے منظوری کے بعد چہلم کے دوران سکیورٹی ڈیوٹیز کی انجام دہی کےلیے پاک فوج اور سول آرمڈ فورسز کی تعیناتی کے احکامات جاری کردیے گئے ہیں۔
پاک فوج کی تعیناتی آئین کے آرٹیکل 245 کے تحت جب کہ سول آرمڈ فورسز کی تعیناتی انسداد دہشت گردی ایکٹ 1997 کے تحت عمل میں لائی گئی ہے۔فوج اور سول آرمڈ فورسز چہلم کے موقع پر صوبائی حکومتوں اور ضلعی انتظامیہ کے ساتھ مل کر سکیورٹی امور سر انجام دیں گی۔
