وزیراعلیٰ مریم نوازنے سعودی جرمن ہسپتال کا سنگ بنیاد رکھ دیا

وزیراعلیٰ پنجاب نے لاہور میں بننے والے سعودی جرمن ہسپتال کا سنگ بنیاد رکھ دیا۔

وزیراعلی مریم نواز شریف نے بتر جی گروپ کے سربراہ صو بھی بتر جی کے ساتھ بٹن دباکر سعودی جرمن ہسپتال کا سنگ بنیاد رکھا۔بترجی میڈیکل سٹی میں مجموعی طور پر 500 بیڈز ہوں گے۔سعودی جرمن ہسپتال  300 بیڈز پر مشتمل ہوگا اوراس کی تعمیر پر250 ملین ڈالرز لاگت آئے گی۔سعودی جرمن اسپتال نیٹ ورک سعودی عرب،متحدہ عرب امارات،مصر،مراکش،اوریمن میں کامیابی سے خدمات فراہم کر رہا ہے۔

وزیراعلی پنجاب مریم نواز نے اس موقع پرکہا کہ پنجاب میں ہیلتھ سسٹم میں بہتری کیلئےنجی شعبے کا خیر مقدم کرینگے۔ پنجاب کا پورا ہیلتھ سسٹم بدلنا اور بہتر کرنا چاہتی ہوں۔نیا اسپتال صحت عامہ میں بہتری اورفلاحی معاشرے کے قیام کیلئےسنگ میل ثابت ہوگا۔