پالتو کتے پر ٹیٹو بنوانے والےچینی شہری کو تنقید کاسامنا
میکسیکن نسل کے کتے کی پشت اور جسم پر بھاری بھرکم ٹیٹو بنوانے پرمالک کو چینی شہریوں کی جانب سے سخت تنقید کا سامنا کرنا پڑ رہا ہے۔
اطلاعات کے مطابق شہری نے اپنے کتے کی پشت اور اگلی ٹانگوں پر ڈریگن اور ٹائیگر کے نقش و نگار بنوائے۔ مالک کا دعویٰ ہے کہ اس عمل میں نہ کوئی بیہوشی استعمال ہوئی اور نہ ہی کسی قسم کا درد دینے والا آلہ، لہٰذا کتے کو تکلیف نہیں ہوئی۔
تاہم ویڈیوز اور تصاویر سامنے آتے ہی سوشل میڈیا پر شدید ردعمل دیکھنے کو ملا۔ صارفین نے اسے ظلم قرار دیا اور کہا کہ کتے کو محض ایک بےجان چیز سمجھ کر استعمال کیا گیا۔ ایک صارف نے لکھا: “یہ منظر دیکھ کر تکلیف ہوئی، صاف لگ رہا تھا کہ کتا خوفزدہ ہے۔”
سخت عوامی ردعمل کے بعد پیٹ ایکسپو کے منتظمین نے اس شخص کو دوبارہ داخل ہونے سے روک دیا۔ اگرچہ مالک کا کہنا تھا کہ بغیر بال والے کتوں کو درد کا احساس کم ہوتا ہے، لیکن بعد میں متعلقہ آرٹسٹ نے اس حرکت کو اپنی غلطی مانتے ہوئے عوام سے معافی بھی مانگ لی۔
