جنیداکبرکا26ویں آئینی ترمیم کیلئےبڑی رقم کی پیشکش کا انکشاف
پی ٹی آئی خیبرپختونخوا کےصوبائی صدرجنید اکبرنے26 ویں آئینی ترمیم کیلئے بڑی رقم کی پیشکش کا انکشاف کردیا۔
جنیداکبرکاپی ٹی آئی کے تنظیمی اجلاس سے خطاب کرتے ہوئے کہنا تھا کہ انہیں26ویں آئینی ترمیم کے لیے 75کروڑ روپے دینے کی پیش کش کی گئی تھی مگر میں نے انکار کردیا۔ریاستی جبر جو میرےساتھ ہوا معاف کرنے کیلئےتیار ہوں۔ پاکستان تحریک انصاف کا ورکر تھکتا نہیں ہے،1996 سے پاکستان تحریک انصاف میں ہوں ایسا جذبہ کبھی نہیں دیکھا،یہ پارٹی ہماری ہےاورمجھ جیسے مڈل کلاس لوگ اوپر آتے ہیں، پی تی آئی کا ورکر سیاسی ورکر ہے نوکر نہیں، جو اپنا لگاتا ہے اور اپنا کھاتا ہے، کسی کا غلام نہیں ہے۔
جنیداکبرکا کہنا تھا کہ دیگرجماعتوں کو جاگیر بنا دیا گیا ہے، روایتی برادری، حلقہ سب ختم ہوگیا،جس پرعمران خان کا ہاتھ ہوگا وہی جیتےگا، اسٹیبلشمنٹ اور سیاسی جماعتوں کواسی سےمسئلہ ہے لیکن ہم مزاحمت کریں گے۔
صدر پی ٹی آئی کےپی جنیداکبر خان کا کہنا تھا کہ پاکستانی عوام کا حق ہے جس کو چاہیں ووٹ دیں،26ویں آئینی ترمیم کے لیے میرے پاس75کروڑلائے گئے تھے۔
پی ٹی آئی کے صوبائی صدرنے کہا کہ یہ ملک میرا ہے، اس کا کوئی دعویدار نہیں، میں اس کا دعویدار ہوں، میں گدھے اور گھوڑے کو ایک ساتھ نہیں رکھوں گا، جو ڈیلیور کرےگا وہ پارٹی میں ہوگا، میں ہر قربانی کے لیے تیار ہوں، آپ کی وجہ سے میں مضبوط ہوں اور میں آپ کو مایوس نہیں کروں گا۔
