ڈاکٹر عافیہ صدیقی نے بائیڈن سے صدارتی معافی کی اپیل کردی

ڈاکٹر عافیہ صدیقی نے امریکی صدر بائیڈن سےصدارتی معافی کی اپیل کردی۔
برطانوی میڈیا کے مطابق ڈاکٹر عافیہ صدیقی نے امریکی صدر سے اپیل کی ہےکہ وہ صدارت سے سبکدوش ہونے سے پہلے سزا معاف کردیں۔ ڈاکٹر عافیہ صدیقی امریکا میں ایک متنازع عدالتی فیصلےکے باعث 86 سالہ سزا کاٹ رہی ہیں۔
برطانوی میڈيا کا کہنا ہےکہ ڈاکٹرعافیہ صدیقی اپنی رہائی کے لیے پر امید ہیں۔
اپنے وکیل کے ذریعے برطانوی میڈيا سےخصوصی گفتگومیں ڈاکٹرعافیہ صدیقی کا کہنا تھا کہ مجھےامید ہےکہ میں بھلائی نہیں گئی اور مجھےامید ہےکہ ایک دن مجھے رہا کردیاجائےگا،میں ناانصافی کا شکارہوں، میرےلیےہر دن اذیت ہے،یہ آسان نہیں ہے،ان شاء اللہ ایک دن میں اس عذاب سےآزاد ہوجاؤں گی’۔
ڈاکٹر عافیہ کے امریکی وکیل کلائیو اسٹافورڈ بھی صدارتی معافی کیلئے ہیں۔ ان کا کہنا ہے کہ صدر بائیڈن یہاں تک کہ ٹرمپ انتظامیہ سے بھی معافی ملنےکا امکان ہے۔
خیال رہے کہ امریکی صدرجوبائيڈن کےدور صدارت کا کل آخری دن ہے او 20 جنوری کو نومنتخب صدر ڈونلڈ ٹرمپ حلف اٹھائیں گے۔
رپورٹ کے مطابق صدربائیڈن اپنے بیٹےسمیت39 افرادکو صدارتی معافی دےچکے ہیں۔