ماہرین نے بلیک کافی پینے کے فوائد بتا دئیے

 ماہرین کا کہنا ہے کہ بلیک کافی جب اعتدال میں پی جائے تو کئی طبی فوائد فراہم کرسکتی ہے۔

جدید تحقیق کے مطابق بلیک کافی میں موجود کیفین ایک محرک کے طور پر کام کرتی ہے جو توجہ، یادداشت اور مجموعی ذہنی بیداری کو بہتر بنا سکتی ہے۔ اس سے آپ کو کسی بھی کام میں زیادہ علمی توجہ مرکوز رکھنے میں مدد مل سکتی ہے۔

ماہرین کا کہنا ہے کہ کیفین میٹابولک ریٹ کو بڑھا سکتی ہے اور اضافی چربی کو کم کر سکتی ہے۔ اس کی وجہ سے بلیک کافی ان لوگوں کیلے ایک مقبول انتخاب بن جاتی ہے جو اپنے وزن کو کم کرنا چاہتے ہیں۔

جدید تحقیق کے مطابق بلیک کافی میں اینٹی آکسیڈنٹس کی زیادہ مقدار ہوتی ہے جو جسم کو آکسیڈیٹیو تناؤ سے بچانے میں مدد دیتی ہے اور بعض بیماریوں جیسے کینسر اور دل کی بیماری کا خطرہ کم کر سکتی ہے۔

ماہرین نے مزید کہا ہے کہ بلیک کافی کا باقاعدگی سے استعمال جگر کی بیماریوں کے کم خطرے سے منسلک ہے بشمول سروسس اور جگر کا کینسر۔ یہ جگر کے خامروں کی سطح کو کم کرنے میں بھی مدد کرتا ہے جو جگر کے بہتر کام کی نشاندہی کرتا ہے۔

Back to top button