ایف بی آر کا ایک ہزارسے زائد نئی گاڑیاں خریدنےکا فیصلہ

فیڈرل بورڈ آف ریونیو (ایف بی آر) کی جانب سے ایک ہزارسے زائد نئی گاڑیاں خریدنےکا فیصلہ کر لیا گیا ۔

ایف بی آر نے 1010 نئی گاڑیاں خریدنےکیلئے کمپنی کو لیٹر آف انٹینٹ لکھ دیا ہےجن کی لاگت 6 ارب روپے سے زیادہ ہو گی۔

ایف بی آر کےخط کےمطابق نئی گاڑیوں کی خریداری 2 مراحل میں ہو گی جس کے لیے ایف بی آرمکمل رقم ادا کرے گا، 1010 گاڑیوں کی خریداری کے لیے 3 ارب کی پیشگی ادائیگی کی جائے گی، 3 ارب روپے 500 گاڑیوں کی مکمل ادائیگی کے طور پرتصورکیے جائیں گے۔

پاکستان کا ایران سے نئی سرحدی راہداری کھولنے کا اعلان

خط میں کہا گیا ہےکہ 500 گاڑیوں کی پہلی کھیپ کی ترسیل کےبعد بقیہ ادائیگی کی جائے گی، 1010 گاڑیوں کی ڈلیوری جنوری سےمئی 2025 کےدوران کی جائے گی، پہلے مرحلے میں جنوری میں 75، فروری میں 200 گاڑیاں ڈلیور کی جائیں گی جبکہ مارچ میں 225 گاڑیوں کی ڈلیوری کی جائے گی۔ دوسرےمرحلے میں اپریل میں 250 اور مارچ میں 260 گاڑیاں ڈلیور کی جائیں گی۔

ترجمان ایف بی آرکا اس حوالے سے کہنا ہے کہ گاڑیوں کی خریداری ایف بی آرکےٹرانسفارمیشن پلان کا حصہ ہے، یہ گاڑیاں فیلڈ افسران کی استعداد کاربہتر بنانے کیلئے لی جا رہی ہیں، یہ گاڑیاں صرف فیلڈ افسران کے لیے ہوں گی۔