فیفا ورلڈ کپ: سوئٹزرلینڈ  نےگروپ بی میں پہلی پوزیشن حاصل کرلی

لاس اینجلس سٹیڈیم میں کھیلے گئے فیفا ورلڈ کپ 2026 کے گروپ بی کے میچ میں سوئٹزرلینڈ نے بوسنیا و ہرزیگووینا کو 1-4 سے شکست دے کر گروپ میں پہلی پوزیشن حاصل کر لی۔

سوئٹزرلینڈ کی جانب سے متبادل کھلاڑی یوہان منزامبی نے 71ویں منٹ میں میدان میں آنے کے بعد شاندار کارکردگی دکھاتے ہوئے 2 گول سکور کیے۔

سوئٹزرلینڈ کے کھلاڑیوں روبن وارگاس اور گرانیٹ ژاکا نے ایک، ایک گول کیا۔

میچ کا فیصلہ کن موڑ 80ویں منٹ میں آیا جب بوسنیا کے مدافع طارق محارمووچ کو بریل ایمبولو کو واضح گول کے موقع سے روکنے پر ریڈ کارڈ دکھا کر میدان سے باہر بھیج دیا گیا۔

اس کے بعد سوئس ٹیم نے بھرپور دباؤ ڈالتے ہوئے مسلسل 3 گول سکور کیے۔

منزامبی نے 84ویں منٹ میں سوئٹزرلینڈ کو برتری دلائی، جس کے 6 منٹ بعد روبن وارگاس نے سکور 0-2 کر دیا۔

کھیل کے 90ویں منٹ میں وارگاس کے پاس پر منزامبی نے اپنا دوسرا اور ٹیم کا تیسرا گول سکور کیا۔

بوسنیا کے متبادل کھلاڑی ایرمن ماہمچ نے انجری ٹائم میں زوردار والی شاٹ پر گول کرکے خسارہ کم کیا۔

تاہم 7 منٹ کے اضافی وقت میں گرانیٹ ژاکا نے پنالٹی پر گول کر کے سوئٹزرلینڈ کی 1-4 سے فتح پر مہر ثبت کر دی۔