لاس اینجلس کے مضافاتی علاقوں میں آتشزدگی، ہزاروں افراد گھر چھوڑنے پر مجبور

غیر ملکی میڈیا کےمطابق امریکی ریاست کیلی فورنیا کے شہر لاس اینجلس کےمضافاتی علاقے پیسفک پلیسیڈز میں لگنے والی آگ مسلسل پھیلتی جارہی ہے، 10 ایکڑ پر لگنےوالی آگ تیز ہواؤں کےباعث اب 3 ہزار ایکڑ تک پھیل چکی ہے۔

امریکی شہرلاس اینجلس کےمضافاتی علاقےمیں موجود جنگلات میں لگنےوالی آگ تیزہواؤں کےباعث 3 ہزار ایکڑ تک پھیل گئی۔

رپورٹ کےمطابق تیزی سے آگ پھیلنے کے بعد لاس اینجلس شہر میں ایمرجنسی کا اعلان کیا گیا ہے جب کہ 30 ہزار افراد کو گھروں کوچھوڑنے کی ہدایت کردی گئی ہے۔

لندن میں بس میں کمسن لڑکے کےبہیمانہ قتل سےلاقانونیت کی نئی مثال قائم

فائر حکام کا بتانا ہےکہ متعدد گھر اب تک آگ کی زد میں جاچکے ہیں جس کےبعد خطرے کی زد میں آنے والے 10 ہزار گھروں کوخالی کرنے کی ہدایات جاری کی گئیں۔

پیسفک پلیسیڈز کےعلاوہ سانتامونیکا ماونٹینز کے علاقے میں بھی لوگوں کو گھرخالی کرنے کی ہدایت کی گئی ہے۔

رپورٹ کےمطابق تیز ہواؤں اور پھیلتی آگ کے باعث اس وقت لاس اینجلس میں 46 ہزار گھراور کاروبار بغیر بجلی کے ہیں۔