سپیکرآزادکشمیراسمبلی کےقافلے پرفائرنگ،2افرادزخمی

مظفرآباد میں اسپیکر آزاد جموں کشمیر قانون ساز اسمبلی چودھری لطیف اکبر کے قافلے پر فائرنگ کے نتیجے میں دو افراد زخمی ہوگئے۔

پولیس کی مطابق چودھری لطیف اکبر اپنے حلقہ انتخاب میں ایک سیاسی پارٹی کے مقامی کارکن کی پیپلزپارٹی میں شامل ہونے کی تقریب میں جارہےتھے کہ چڑکپور کے قریب نامعلوم افراد نے فائرنگ کردی۔

فائرنگ کے واقعےمیں چودھری لطیف اکبر محفوظ رہےجبکہ2افراد فائرنگ سے زخمی ہوئے۔پولیس اور انتظامیہ کی جانب سے ذمہ داروں کیخلاف کارروائی جاری ہے تاہم کوئی گرفتاری عمل میں نہیں لائی گئی۔

واقعے کیخلاف پیپلزپارٹی کے کارکنوں نےمظفرآباد کے ایسٹرن بائی پاس روڈ پردھرنا دے کر سڑک کو بند کر دیا۔مظاہرین نے چھتر اسمبلی چوک میں بھی ٹائر جلا کر کوہالہ مظفرآباد اسلام آباد شاہراہ بند کردی۔

صدر پاکستان آصف علی زرداری، وزیراعظم شہباز شریف،چیئرمین پیپلزپارٹی بلاول بھٹو اور چیئرمین سینیٹ یوسف رضا گیلانی نے اسپیکرآزاد کشمیر اسمبلی کے قافلے پر فائرنگ کی مذمت کی۔

Back to top button