سیلاب : سندھ میں حالات کنٹرول میں ہیں، وزیراعلیٰ مراد علی شاہ
وزیراعلیٰ سندھ مراد علی شاہ نے سندھ میں سیلابی صورت حال پر اطمینان کا اظہار کرتے ہوئے کہا کہ ہمارے تمام بند محفوظ ہیں اور حالات مکمل طور پر کنٹرول میں ہیں۔
وزیر اعلیٰ مراد علی شاہ نے صحافیوں سے گفتگو کرتے ہوئے کہاکہ ہم نے پنجاب میں سیلابی صورت حال دیکھ کر تیاری کرلی تھی،ہمارے تمام بند محفوظ ہیں اور حالات مکمل طور پر کنٹرول میں ہیں۔
انہوں بتایا کہ سیلابی ریلا گڈو بیراج پر اپنی پیک پر ہے، آئندہ پانچ روز اہم ہیں، دعا ہے پانی خیریت سے گزرجائے۔
وزیراعلیٰ کا کہنا تھاکہ لوگوں کا متاثرہ علاقوں سے انخلا جاری ہے،سیلاب متاثرین کی امداد کا پلان تیار کرلیا، آئندہ ہفتے کسانوں کےلیے پیکج کا اعلان کریں گے،زرعی ایمرجنسی سے صرف کسانوں کا نہیں پورے ملک کا بھلا ہے۔
