جی ایچ کیو حملہ کیس،استغاثہ کے8 گواہوں کی شہادتیں ریکارڈ
بانی پی ٹی آئی عمران خان سمیت دیگر رہنماؤں کے خلاف جی ایچ کیو حملہ کیس کی سماعت کے دوران استغاثہ کے مزید 8 گواہان کی شہادتیں ریکارڈ کرلی گئیں۔
جی ایچ کیو حملہ کیس کی سماعت انسداد دہشت گردی کی خصوصی عدالت کے جج امجد علی شاہ نے کی۔سماعت کے دوران بانی پی ٹی آئی کو اڈیالہ جیل میں قائم خصوصی عدالت میں پیش کیا گیا۔
دوران سماعت استغاثہ کےمزید 8 گواہان کی شہادت ریکارڈ کی گئی، آج شہادت ریکارڈ کرانے والوں میں سب انسپکٹر بابر سجاد، عقیل احمد، رجب علی، احمد نواز شامل ہیں۔
مقدمے میں مجموعی طور پر 25 گواہان کی شہادت ریکارڈ کی جا چکی ہے۔
شہادت ریکارڈ کرانے والوں میں سب انسپیکٹر عرفان حسین، شمریز محبوب، کانسٹیبل طالب حسین، کانسٹیبل ثمرا اشفاق بھی شامل ہیں۔
گواہان نےمرکزی مفرور ملزمان کےناقابل ضمانت وارنٹ گرفتاری اور اشتہار عدالت میں پیش کیے۔
ناقابل ضمانت وارنٹ گرفتاری اور عدالتی اشتہارملزم مراد سعید، حماد اظہر، راجا بشارت اور زلفی بخاری کے پیش کیےگئے،خاتون پولیس اہلکار نےملزمہ نادیہ حسین اور فاطمہ احسن سے برآمد موبائل فون عدالت میں پیش کیے۔
مقدمےمیں استغاثہ کےگواہان کی شہادت ریکارڈ کرنےکاآغاز15 جنوری کوہوا تھا، گزشتہ 8سماعتوں میں استغاثہ25 گواہان کی شہادت ریکارڈ کروا چکی ہے۔
عدالت نےجی ایچ کی حملہ کیس کی سماعت26 فروری تک ملتوی کردی، جی ایچ کیو حملہ کیس کا مقدمہ تھانہ آر اےبازار میں درج ہے۔
