گورنرکریم کنڈی اپنے آقائوں کو خوش کرنا چھوڑیں،صوبےکاسوچیں،بیرسٹر سیف
مشیر اطلاعات خیبر پختونخوا بیرسٹرسیف نےکہا کہ گورنر فیصل کریم کنڈی اپنے آقائوں کو خوش کرنا چھوڑیں اور صوبے کی فلاح وبہبود کیلئے کچھ کریں۔
بیرسٹر ڈاکٹر سیف نے کہا کہ گورنر ایک خط وفاق کو صوبے کے حقوق پر بھی لکھ لیں جس میں صوبے کے بقایا جات کی ادائیگی،سوتیلی ماں جیسے سلوک کے خاتمے اور این ایف سی ایوارڈ میں پورا حصہ دینے کی کی استدعا کریں۔
مشیر اطلاعات نے مزید کہا کہ گورنر بیچارے کا ویسے بھی کوئی کام نہیں صرف خط ہی لکھ سکتے ہیں، گورنر ہاؤس کا کردار آج کل محض ایک ڈاک خانے جیسا ہے، جہاں ایک مسترد شدہ ڈاکیا بیٹھا ہے۔
بیرسٹر ڈاکٹر سیف نے کہا کہ وزیراعلیٰ خیبرپختونخوا علی امین گنڈاپور کی طرح گورنر بھی صوبے کی فلاح و بہبود کے لیے کچھ کریں۔
