پاکستان میں ہیپاٹائٹس کامرض تیزی سے پھیلنے لگا

پاکستان میں ہیپاٹائٹس کا مرض تیزی سےپھیلنے لگا،ہر25واں شہری بیماری میں مبتلا نکلا۔
محکمہ صحت کے مطابق پاکستان کی کل آبادی کا 4.5فیصدمرض میں مبتلا ہے جن میں3اعشاریہ33فیصد نوجوان،4.42فیصدبالغ شہری، ایک اعشاریہ 48فیصد بچے ہیں، منشیات کے عادی افراد میں یہ شرح 43 اعشاریہ42فیصد ہے۔
لوکلائز ہیپاٹائٹس ایلیمینیشن اینڈ پریونشن پروگرام کی رپورٹ کے مطابق راولپنڈی کی7 یونین کونسلوں میں انسداد ہیپاٹائٹس مہم میں10 ہزار 347 گھروں میں47 ہزار 728 افراد کی اسکریننگ کی گئی، 2048 سے زائد مرد و خواتین میں ہیپاٹائٹس سی اور بی کی تصدیق ہوئی جبکہ 22 افراد کےبیک وقت ہیپاٹائٹس بی اور سی کاشکار ہونے کی تصدیق ہوئی۔
رپورٹ کے مطابق ہیپاٹائٹس کا شکار حاملہ خواتین کی تعداد 8 رہی، ہیپاٹائٹس کے شکار تمام مریضوں کے پی سی آر ٹیسٹ کئے گئے۔راولپنڈی میں 2048 سے زائد افرادشکار ہیں، مختلف امراض کے شکار افراد میں یہ شرح 46 اعشاریہ 92 فیصد ہے۔