2018میں چھیناگیامینڈیٹ 2024 میں واپس مل گیا،مریم اورنگزیب

میں سینیئر وزیر پنجاب مریم اورنگزیب کاکہنا ہے  کہ مسلم لیگ ن سے 2018 میں جو مینڈیٹ چھینا گیا وہ 2024 میں واپس مل گیا۔

راولپنڈی میں ستھرا پنجاب پروگرام کے افتتاح کے موقع پر خطاب میں سینیئر وزیر پنجاب مریم اورنگزیب نے کہا کہ ہم سے فتنے اور فساد کا بیانیہ نہیں بنتا۔ ہماری سیاست کارکردگی کی سیاست ہے۔فتنہ اورفساد والوں کی سیاست الگ ہے ہماری سیاست کارکردگی ہے۔

مریم اورنگزیب نے کہا کہ نوجوانوں کو سمجھنا ہوگا جو سڑکیں اور اسپتال بناتے ہیں ترقی دیتے ہیں ووٹ ان کا حق ہے۔ 2018 میں جو مینڈیٹ چھینا گیا وہ 2024 میں واپس مل گیا۔ہم سے گالی گلوچ اور9 مئی کا سوال نہ پوچھیں ہم سے معیشت کی ترقی،بجلی کی لوڈشیڈنگ ختم کرنےاورموٹر وے کا پوچھیں۔

سینئروزیر نے مزید کہا کہ شہباز شریف نے ایم ڈی آئی ایم ایف سے بات کرکے ملک کو ڈیفالٹ سے بچایا۔آج مہنگائی کم ترین سطح پرآگئی ہے۔اسٹاک ایکسچینج بلندیوں کو چھو رہا ہے۔ ایکسپورٹ بڑھ رہی ہے۔ آج وزیراعلی پنجاب مریم نواز کے کاموں پر دوسرے صوبوں سے لوگ چڑھائی کررہے ہیں۔ پنجاب میں ایک ہزار بچوں کو اسکالرشپس مل رہی ہیں۔پانچ لاکھ گھر بھی ملیں گے۔پانچ لاکھ افراد کو گھر میں دوائی مل چکی ہے۔کینسر اسپتال زیرتعمیر ہےجس میں ایک ہزارافراد کا علاج ہوسکے گا۔