ماہ رمضان میں چینی 130روپے کلو ملے گی،فارمولاطے

ماہ رمضان میں چاروں صوبوں میں چینی کی سبسڈائز فروخت کا فارمولا طے پاگیا۔چینی 130روپےکلوملےگی۔

سبسڈائز چینی سے متعلق اجلاس میں سیکرٹری فوڈ کے پی نے ملز کو سبسڈائز چینی کا مراسلہ نہ ملنے کا شکوہ کیا۔

رمضان المبارک میں چینی پر20 روپےسبسڈی دینے کا فیصلہ کیا گیاہے اور رمضان المبارک میں چاروں صوبوں میں فی کلو چینی 130 روپے میں دی جائے گی۔

میٹنگ منٹس میں بتایا گیا ہے کہ رمضان المبارک میں چینی سستے ماڈل بازاروں میں فروخت کی جائے گی اور سبسڈائز چینی چھوٹے بڑےسٹورز پر ڈی سی کاؤنٹر پر فراہم کی جائے گی۔

رمضان المبارک میں ایک اور2 کلو چینی کےبیگز فروخت کیے جائیں گے،  شناختی کارڈ پر فی شہری زیادہ سے زیادہ5 کلو چینی خرید سکے گا۔

چاروں صوبوں میں چینی کی تقسیم کے فوکل پرسن کی ذمہ داری کین کمشنر کے سپرد کردی گئی ہے، سبسڈائز چینی کی فروخت رمضان سے3 روز قبل شروع کی جائے گی اور27 رمضان تک چینی کی فروخت جاری رکھی جائے گی۔