کویتی عدالت نے 2022 کے پارلیمانی انتخابات کو کالعدم قرار دیدیا

غیر ملکی میڈیا کے مطابق کویت کی آئینی عدالت نے اتوار کے روز اپنے فیصلے میں گزشتہ برس ستمبر میں ہونے والے پارلیمانی انتخابات کو کالعدم قرار دے دیا۔

یاد رہے کہ 2022 میں کویت میں ہونے والے پارلیمانی انتخابات میں اپوزیشن نے اکثریت حاصل کی تھی۔

گزشتہ برس پارلیمانی انتخابات میں اپوزیشن نے 50 میں سے 28 نشستیں حاصل کی تھیں۔ کویت کی عدالت میں انتخانی نتائج کے خلاف متعدد اپیلیں دائرکی گئی تھیں۔

آئینی عدالت کی جانب سے فیصلہ ایسے وقت میں آیا ہے جب منتخب پارلیمنٹ اور حکومت کے درمیان وزیراعظم کے دوبارہ انتخاب کے معاملے اختلافات سامنے آئے ہیں۔

مقامی میڈیا کے مطابق عدالتی فیصلہ پچھلی پارلیمنٹ کو تحلیل کےحکم نامے میں تضادات کی وجہ سےکیا گیا ہے۔

یاد رہے کہ سابق کویتی وزیراعظم نے پارلیمنٹ سے اختلافات کے باعث اپنے عہدے سے استعفیٰ دے دیا تھا۔

مجھے گندی سیاست کا حصہ نہ بنائیں،شاہدآفریدی