کوہلی ون ڈے میں زیادہ رنزبنانےوالےدوسرےکھلاڑی بن گئے

معروف بھارتی کرکٹر  ویرات کوہلی نے  ایک  اور  سنگ میل عبور کرلیا۔ ون ڈے میں زیادہ رنزبنانےوالےدوسرےکھلاڑی بن گئے۔

تفصیلات کے مطابق آسٹریلیا کیخلاف سڈنی کرکٹ گراؤنڈ میں کوہلی نے تیسرے اور  آخری ون ڈے میچ کے دوران سابق سری لنکن بیٹر کمار سنگاکارا کو پیچھے چھوڑ دیا۔

کوہلی نے  81 گیندوں پر 74 رنز کی میچ  وننگ اننگ کھیلی اور  سنگاکارا کو  پیچھے چھوڑتے ہوئے ون ڈے انٹرنیشنل کی تاریخ میں سب سے زیادہ  رنز بنانے والے دوسرے بیٹر بن گئے۔

کوہلی اب تک 57.71 کی اوسط سے 305 میچوں میں 14,255 رنز بنا چکے ہیں، جس میں ان کی 75 نصف اور 51 سنچریاں شامل ہیں۔

سنگاکارا اب تیسرے نمبر پر چلے گئے ہیں جنہوں نے 404 میچوں میں 14,234 رنزبنائے ہیں، جن میں 93 نصف سنچریاں اور 25 سنچریاں شامل ہیں۔

خیال رہے کہ  ون ڈے کرکٹ میں سب سے زیادہ رنز بنانے کا عالمی ریکارڈ اب بھی بھارتی لیجنڈ سچن ٹنڈولکرکے پاس ہے، جنہوں نے 463 میچوں  44.83 کی اوسط سے 18,426 رنز  بنائے ہیں، جن میں 96 نصف سنچریاں اور 49 سنچریاں شامل ہیں۔