دنیا کی سب سے بڑی عمارت کا ریکارڈ قائم کرنے والی دبئی کی عمارت برج خلیفہ پر یا اس کے آس پاس اب تک دنیا کی کسی بھی فلم کو شوٹنگ کا اعزاز نہیں ملا لیکن کنگ خان کی مووی ’’پٹھان‘‘ نے یہ اعزاز بھی اپنے نام کر لیا ہے۔

دنیا میں کمائی کے ریکارڈ قائم کرنے والی بالی ووڈ فلم ’’پٹھان‘‘ کے چند مناظر برج خلیفہ سے متصل سڑک پر فلمبند کیے گئے ہیں، ہدایتکار نے بتایا کہ جان ابراہم اور شاہ رُخ خان کا ایک ایکشن فائٹ سین برج خلیفہ بولیورڈ پر عکسبند کیا گیا جس کیلئے دبئی پولیس نے فلم کی پروڈکشن ٹیم کی مدد کی اور اس جگہ کو کچھ دیر کیلئے شوٹنگ کے لیے بند کیا گیا۔

سدھارتھ آنند کے مطابق یہ فلم ’پٹھان‘ کا سب سے مشکل ایکشن سین تھا جس میں دِکھایا گیا کہ چلتی ٹرین کے اوپر، ایک ہوائی جہاز کے ساتھ فضا میں ہے جبکہ شاہ رُخ اور جان لڑائی کر رہے ہیں یہ سین برج خلیفہ کے بولیورڈ میں عکس بند کیا گیا جبکہ پٹھان ایسی پہلی بالی ووڈ فلم ہے جس کی شوٹنگ برج خلیفہ بولیورڈ میں کی گئی۔

ہدایتکار کا کہنا تھا کہ انہیں اس سین کو برج خلیفہ بولیورڈ میں شوٹ کرنا ناممکن لگ رہا تھا تاہم دبئی حکام اور پولیس نے ان کے ساتھ بے حد تعاون کیا اور بھرپور مدد کی۔

سدھارتھ آنند کا کہنا تھا کہ برج خلیفہ بولیورڈ میں رہنے والے ان کے ایک دوست نے انہیں بتایا کہ ہمیں نوٹس موصول ہوا ہے کہ ہم اس اوقات میں بولیورڈ تک رسائی حاصل نہیں کر پائیں گے جس کے بعد انہیں معلوم ہوا کہ یہاں ان کی فلم کی شوٹنگ ہونے والی ہے۔

یاد رہے کہ بالی ووڈ کی فلم پٹھان اب تک کی تمام فلموں کے ریکارڈ توڑتے ہوئے رواں ہفتے 900 کروڑ کما چکی ہے فلم میں شاہ رُخ خان، جان ابراہم، دیپیکا پڈوکون نے مرکزی کردار نبھائے ہیں جبکہ سلمان خان بھی جلوہ گر ہوئے ہیں۔

’’پٹھان‘‘ صرف بھارت میں ہی نہیں بلکہ کمائی کے عالمی فہرست میں جگہ بنا چکی ہے، ’’پٹھان‘‘ بالی ووڈ کی پہلی فلم ہے جس نے کمائی میں تامل فلموں کو بھی پیچھے چھوڑ دیا ہے، بالی ووڈ کی کوئی بھی فلم اب تک 900 کروڑ کمانے میں کامیاب نہیں ہو سکی ہے۔

وسیم اکرم ’’منی بیک گارنٹی‘‘ میں چھکے چھڑانے کیلئے تیار