لیجنڈری کرکٹر ظہیر عباس پی سی بی گورننگ بورڈ کا حصہ بن گئے
پاکستان کرکٹ بورڈ (پی سی بی) کےگورننگ بورڈ میں سابق ٹیسٹ کرکٹر اور لیجنڈری بیٹر ظہیر عباس کو شامل کر لیا گیا۔
ترجمان کرکٹ بورڈ کے مطابق ایشین بریڈ مین کو اسٹیٹ بینک نے گورننگ بورڈ میں نامزد کیاہے۔
ترجمان نے بتایا کہ پی سی بی کے گورننگ بورڈ کی تعداد میں اضافہ نہیں کیاگیا،
ظہیرعباس کو موجودہ رکن معراج محمود کی جگہ نامزد کیاگیا ہے،ان کی گورننگ بورڈ میں اسٹیٹ بینک کے موجودہ رکن کی جگہ نامزدگی ہوئی ہے۔
چیئرمین پی سی بی محسن نقوی سمیت گورننگ بورڈ کے اراکین کی تعداد 12 ہے۔
ٹیسٹ رینکنگ میں سعود شکیل ٹاپ 10پرپہنچ گئے
یاد رہے کہ کرکٹ کے میدان میں بےشمار کارہائے نمایاں انجام دینےوالے ظہیر عباس انٹرنیشنل کرکٹ کونسل کے صدر کےمنصب پر بھی ذمہ داریاں نبھاچکے ہیں۔
ظہیر عباس پاکستان کی طرف سے ٹیسٹ کرکٹ میں 5 ہزار رنز بنانےوالے پہلے کرکٹر بھی ہیں، انہوں نےٹیسٹ میں 12 اور ون ڈے انٹرنیشنل میں 7 سینچریاں اسکور کیں۔
ظہیر عباس فرسٹ کلاس کرکٹ میں سینچریوں کی سینچری بنانےوالے ایشیا کے واحد کرکٹر ہیں۔
سابق کپتان کو 2020 میں آئی سی سی ہال آف فیم میں بھی شامل کیا گیا تھا۔
