ہانگ کانگ سپر سکسز : جنوبی افریقہ کو 17 رنز سے شکست دے کر پاکستان سیمی فائنل میں پہنچ گیا
ہانگ کانگ ورلڈ سپر سکسز ٹورنامنٹ میں پاکستان نے مسلسل تیسرا میچ جیت کر سیمی فائنل کےلیے کوالیفائی کر لیا۔
مونگ کوک میں کھیلےگئے میچ میں پاکستان نے دوسرےکواٹر فائنل میں جنوبی افریقہ کو 17 رنز سے شکست دے کر ایونٹ کے سیمی فائنل تک رسائی حاصل کی۔
پاکستان نے پہلے بیٹنگ کرتے ہوئے مقررہ 6 اوورز میں 105 رنز بنائے، پاکستان کی جانب سے کپتان فہیم اشرف اور آصف علی بغیر کوئی رن بنائے آؤٹ ہوئے، تاہم محمد اخلاق نے 16 گیندوں پر 7 چھکوں اور 2 چوکوں کی مدد سے 52 رنز کی اننگز کھیلی،اسی طرح حسین طلعت 27 رنز بنا کر ناٹ آؤٹ رہے۔
جنوبی افریقہ کی جانب سےہدف کےتعاقب میں آغاز اچھا نہ رہا،کپتان جے جے اسٹمس 6 جب کہ جیکس سنیمن 5 رنز بنا سکے،ایوان جونز نے 46 رنز کی مزاحمتی اننگز کھیلی تاہم ٹیم کو میچ جتوانے میں کامیاب نہ ہو سکے۔
ہانگ کانگ سپر سکسز : پاکستان نے بھارت کو شکست دے کوارٹر فائنل میں جگہ بنالی
خیال رہےکہ ایونٹ میں پاکستان نے بھارت،متحدہ عرب امارات اور جنوبی افریقہ کی ٹیموں کو شکست دی۔
