مولانا27ویں ترمیم کاجائزہ لے لیں،منظوری مسئلہ نہیں نمبرز پورے ہیں،فیصل واوڈا

سینیٹر فیصل واوڈا کاکہناہے کہ مولانافضل الرحمان27ویں ترامیم کے معاملات دیکھیں اور سمجھیں۔نمبرزپورے ہیں منظوری کوئی مسئلہ نہیں۔

سینیٹر فیصل واوڈا  نےسربراہ جے یو آئی مولانا فضل الرحمان سے ان کی رہائش گاہ پر ملاقات کی۔

ملاقات میں جے یو آئی کے مرکزی ترجمان اسلم غوری بھی شریک تھے۔ ملاقات میں ملکی سیاسی صورتحال پر تبادلہ خیال کیا گیا۔

ملاقات کے بعد میڈیا سے گفت گو میں انہوں نے کہا کہ آپ لوگ 27ویں کے لیے بے تاب ہیں میں 28 ویں ترمیم کی تیاری کررہا ہوں جیسے جیسے ملکی ترقی کرکے ترامیم بھی آتی رہیں گی۔

فیصل واوڈا نے کہا کہ 27 ویں ترمیم میں مشاورت کے لیے مولانا فضل الرحمان سے ملاقات کی اور کہا کہ نمبرز کا مسئلہ نہیں ترمیم کی منظوری کے لیے نمبرز پورے ۔

انہوں نے کہا کہ مولانا صاحب پاکستان کی بقا و سلامتی کے لیے بہت ضرروی ہیں نمبرز کی بات نہیں ہے 27ویں ترمیم کی منظوری کے لیے نمبرز پورہے ہیں، قومی دھارے میں مولانا کا بہت بڑا کردار ہے، مولانا بڑے اور مضبوط سیاست دان ہیں، وہ ترامیم کے معاملات دیکھیں گے اور سمجھیں گے اسی لیے ان سے ملاقات کی۔

فیصل واوڈا نے کہا کہ پاکستان کی سلامتی و کامیابی کے لیے جو جو چیزیں درکار ہیں وہ ترامیم میں شامل ہوں گی، ٹرانسفر و پوسٹنگ، عمر کے ترامیم ہیں، 18 ویں ترمیم کو رول بیک نہیں کیا جارہا، حکومت صوبوں کو دو ہزار ارب روپے دے رہی ہے اگر اتفاق رائے سے کچھ تبدیلی ہوجائے تو بری نہیں۔

ان کا کہنا تھا کہ آرٹیکل 243 میں صرف افواج کی جنگ نہیں، اکنامی، سائبر، معاشی جنگ بھی ہے اگر ہمیں تینوں افواج کو توانائی دینی ہوگی تو دیں گے، انہیں مضبوط کریں گے تاکہ دفاع مضوط ہوسکے۔

ان کا کہنا تھا کہ 27 ویں ترمیم بہت آسانی سے پاس ہوتی نظر آرہی ہے، اگر اس میں کوئی بھی ابہام ہوا تو ’’فلائٹ آن بورڈ‘‘ہے۔

ایک سوال پر انہوں نے کہا کہ سینیٹر فیصل واوڈا کا کہنا تھا کہ اس نظام کی ضامن ہی پیپلز پارٹی ہے وہ اس نظام کو رول بیک نہیں ہونے دے گی۔