شمالی وزیرستان،سکیورٹی فورسز کاآپریشن،12 خوارج ہلاک، لانس نائیک شہید
شمالی وزیرستان کے عام علاقے حسن خیل میں سکیورٹی فورسز کی کارروائی،12 خوارج کو ہلاک کردیا جبکہ فائرنگ کے تبادلے میں لانس نائیک نے جام شہادت نوش کرلیا۔
آئی ایس پی آرکے مطابق سکیورٹی فورسز نے5 اور6 فروری کی درمیانی شپ شمالی وزیرستان کے علاقےحسن خیل میں خواج کی موجودگی سےمتعلق انٹیلی جنس معلومات پر آپریشن کیا۔سیکیورٹی فورسز نے مؤثر طریقے سے خوارج کے ٹھکانے کو نشانہ بنایا جس کے نتیجے میں 12 خوارج ہلاک ہوئے جن کے قبضے سے بھاری مقدار میں اسلحہ اور گولہ بارود برآمد ہوا ہے۔
ترجمان پاک فوج کے مطابق فائرنگ کے تبادلے میں لانس نائیک محمد ابراہیم (ہنگو کے رہائشی) نے جام شہادت نوش کیا۔مارے جانے والے دہشت گرد سیکیورٹی فورسز پر حملوں اور عام شہریوں کی ٹارگٹ کلنگ میں ملوث تھے۔
آئی ایس پی آر کے مطابق علاقے میں خوارج کےخاتمے کیلئےحتمی آپریشن جاری ہے جبکہ سکیورٹی فورسز ملک سے دہشت گردی کے خاتمے کیلئےپُرعزم ہیں اور جوانوں کی ایسی قربانیاں حوصلے بلند کرتی ہیں۔
