اپوزیشن کا سپیکر کیخلاف بھی تحریک عدم اعتماد لانے کا فیصلہ
اپوزیشن نے وزیراعظم کے بعد اسپیکرقومی اسمبلی کیخلاف بھی عدم اعتماد کی تحریک لانے کا فیصلہ کیا ہے ، سو سے زائد اپوزیشن اراکین نے تحریک پر دستخط کر دیئے۔
،ذرائع کا کہنا ہے کہ اپوزیشن نے سپیکر کیخلاف بھی عدم اعتماد کی تحریک لانے کا فیصلہ کرلیا ہے،اسد قیصر کی وزرا اور حکومتی اراکین سے ملاقاتیں جاری ہیں ۔
شہباز اورمولانا کی عمران کو زبان قابو میں رکھنے کی وارننگ
اپوزیشن نے الزام عائد کیا کہ اسپیکر ہمارےاراکین کو فون کررہے ہیں، سپیکر کے اس اقدام کے خلاف عدم اعتماد لارہے ہیں کہ وہ جانبدار ہوگئے ہیں، ذرائع کے مطابق سپیکر کے خلاف عدم اعتماد کی تحریک پر اپوزیشن اراکین سے دستخط کرا لیے گئے ۔
یاد رہے سپیکر کے خلاف عدم اعتماد جمع ہوگئی تو وہ قومی اسمبلی اجلاس کی صدارت نہیں کرسکیں گے، اپوزیشن کی جانب سے وزیراعلیٰ پنجاب کیخلاف بھی تحریک عدم اعتماد کرائی جائے گی۔
