پاک امریکا تجارتی معاہدے باہمی مفادات کے تحت ہوں گے : شہباز شریف

وزیراعظم شہباز شریف کا کہنا ہے کہ امریکی صدر ڈونلڈ ٹرمپ کے ساتھ ملاقات بہت ہی حوصلہ افزا تھی، امریکا تجارت، آئی ٹی و دیگر شعبوں میں سرمایہ کےلیے تیار ہے۔پاک امریکا تجارتی معاہدے باہمی مفادات کے تحت ہوں گے۔

امریکا میں صحافیوں سے گفتگو کرتے ہوئے وزیر اعظم شہباز شریف کا کہنا تھا کہ امریکی صدر ڈونلڈ ٹرمپ سے ملاقات میں معیشت، انسداد دہشت گردی، اے آئی، آئی ٹی، معدنیات، کرپٹو پر بات ہوئی۔

شہباز شریف نے کہا کہ ٹیرف کے معاملے پر صدر ٹرمپ کا شکریہ ادا کیا،پاکستان اور امریکا کے درمیان معدنیات کی قیمت کا مناسب تعین ہوگا،پاک امریکا تجارتی معاہدے باہمی مفادات کے تحت ہوں گے۔

وزیراعظم شہباز شریف کا کہنا تھاکہ فیلڈ مارشل عاصم منیر نے جنگ میں لیڈ کیا، انہوں نے دانشمندی سے افواج پاکستان کو لیڈ کیا،میں نےکہا ہم نے جنگ جیت لی، ان کے 7 طیارےگرادیے،ہرجگہ حملے کیے،ان کا دماغ چکرا گیا،اب ہم نے اس سے آگےنہیں جانا اور جنگ بندی قبول کرلی۔

ان کا کہنا تھاکہ ملکی معاشی صورت حال مائیکرو لیول پر مستحکم ہو چکی ہے، سمندرپار پاکستانی عظیم سفیر ہیں،سمندرپار پاکستانیوں نے سال 24۔25 میں ساڑھے 38 ارب ڈالر ملک بھجوائے۔