پاکستان فٹبال فیڈریشن ایشین کپ کوالیفائرز سے دستبردار

پاکستان فٹ بال فیڈریشن نے ایشین کپ کوالیفائرز سے دستبرداری کا اعلان کر دیا ہے۔

پی ایف ایف کا کہنا ہےکہ افسوس کے ساتھ کہنا پڑتا ہےکہ پاکستان ایشین کپ کوالیفائر کا فائنل راؤنڈ نہیں کھیل پائےگا۔

 واضح رہےکہ فیفا کی جانب سے پاکستان کی رکنیت معطل کئے جانے کے بعد پاکستان فٹبال ٹیم کی 2027  ایشین فٹبال کنفیڈریشن ایشین کپ کوالیفائرز کے تیسرے راؤنڈ میں شرکت خطرے میں پڑگئی تھی۔

پاکستان کوالیفائرز کے گروپ ای میں شام، میانمار اور افغانستان کے ساتھ شامل تھا اور قومی ٹیم کو اپنا پہلا میچ 25 مارچ کو شام کے خلاف کھیلنا تھا تاہم  ایشین فٹبال کنفیڈریشن  نےخبردار کیا تھا کہ اگر پی ایف ایف پر عائد معطلی 4 مارچ تک ختم نہ ہوئی تو پاکستان کوکوالیفائرز سے مکمل طور پردستبردار تصور کیا جائےگا۔