بھارت کے خلاف میچ سے پہلے پاکستان ٹیم نے سپورٹس سائیکولوجسٹ ہائر کر لیا

ایشیا کپ میں بھارت کے خلاف اہم میچ سے قبل پاکستان کرکٹ ٹیم کی کارکردگی کو بہتر بنانے کے لیے ٹیم میں اسپورٹس سائیکولوجسٹ کی خدمات حاصل کر لی گئی ہیں۔

پی سی بی ذرائع کے مطابق ڈاکٹر راحیل نے پاکستان ٹیم کو بطور سپورٹس سائیکولوجسٹ جوائن کر لیا ہے۔

ذرائع کے مطابق پاکستان اور بھارت کے درمیان ایشیا کپ کا دوسرا مقابلہ کل دبئی کے انٹرنیشنل کرکٹ اسٹیڈیم میں کھیلا جائے گا۔

اس سے قبل دبئی میں قومی ٹیم کی ایک اہم میٹنگ ہوئی، جس میں کھلاڑیوں نے مینجمنٹ کو سپر فور مرحلے میں بہترین کارکردگی کی یقین دہانی کرائی، جبکہ ہیڈ کوچ مائیک ہیسن نے کھلاڑیوں پر مکمل اعتماد کا اظہار کیا۔